延伸閱讀網址

大家好呀！又係我蛋蛋！

踏入2021年，我哋留心蛋家族專登三代同堂一齊去影咗張全家幅，係咪好有儀式感呢？我哋全家都好幸福，仲全家都好留心㗎！尤其係喺過馬路果陣，一定會互相照顧，互相提點，遵守交通規則先可以又安全又開心咁享受家庭樂！

留心蛋家族嘅靚仔紙版模型有得下載啦！你哋都快啲用呢啲模型以創意方式幫我哋留倩影，參加道路安全議會舉辦嘅「留心蛋道路安全攝影比賽」，有機會贏取豐富獎品㗎！

比賽於今日(2月8日)下午3點正式開始，截止日期為3月16日晚上11時59分。只要以創意方式運用留心蛋家族拍攝一張有道路安全訊息嘅相片，當中要包含有長者行人及/或騎單車者元素喺裡面，並加上簡短而有道路安全訊息嘅標題就可以參加啦！

大家要記得，參賽嘅攝影作品必須有留心蛋家族紙版模型，以及必須於限期內完成所有參賽步驟，包括以電郵遞交參賽作品，先至係完成報名！

你哋都快啲叫埋屋企人同朋友仔一齊參加啦！

比賽詳情及報名表格連結： https://forms.gle/p7RRDLPGLueDJPTG9

留心蛋家族紙版模型下載連結： http://bit.ly/MrSafegg2021