「職安健吉祥物」兒童填色比賽

今次比賽鼓勵同學喺比賽中運用創意，為職安健吉祥物填上繽紛嘅色彩，透過多彩嘅吉祥物認識到工作安全嘅概念，活動可以讓同學從小開始意識到工作安全健康，將來投身社會工作，會了解到職安健嘅重要性，時刻注意安全，減低受傷機會。同時喺創作過程中，同學亦可以將職安健信息帶入家庭，提醒父母關注職安健。 比賽分為初小及高小組，每組設有冠、亞、季軍及優異獎。初小及高小組冠軍分別可以獲得1,500元及2,000元獎金外，更可以獲得獎座及紀念品。而今次比賽設有「我最喜愛的作品獎」及「最具人氣學校獎」投票，澳門市民更可以透過比賽專頁參加冠軍競猜遊戲。填色比賽歡迎同學邀請老師一齊參加，喺老師嘅指導下啟發思考及認識職安健知識，而得獎同學嘅指導老師亦都可以獲得指導老師獎。 同學仔可以由即日起至9月30日提交填色作品及參賽表格，詳細資料可以掃瞄以下QR code 或瀏覽比賽專頁 https://www.dsal.gov.mo/zh_tw/standard/mascot_coloring_competition.html ，更可以喺辦公時間致電2871 7781。記得叫埋同學仔一齊玩喇! #兒童填色比賽 #吉祥物